Մինսկ-2019. Գոռ Ներսեսյանը՝ Եվրոպական խաղերի բրոնզե մեդալակիր

Բելառուսի մայրաքաղաք Մինսկում ընթացող Եվրոպական խաղերի մրցումային 8-րդ օրը Հայաստանը ներկայացնող 81 կգ քաշային բռնցքամարտիկ Գոռ Ներսեսյանը բրոնզե մեդալ նվաճեց։ Նա կիսաեզրափակչում 0։5 հաշվով պարտվեց բրիտանացի Բենջամին Ուիտակերին։

Նշենք՝ Գոռ Ներսեսյանը պայքարն սկսել էր 1/16 եզրափակչից, որտեղ հաղթանակ է տարել Կոսովոյի ներկայացուցիչ Արդիտ Դելիժայի նկատմամբ:1/8 եզրափակչում Ներսեսյանը հաղթել է մոլդովացի Անդրեյ Չիրյակովին՝ 5:0, իսկ 1/4 եզրափակչում 3:2 հաշվով պարտության է մատնել Թուրքիայի ներկայացուցիչ Մալկան Բայրամին: