«Անհանդուրժողությունը հայկական բանակում պետք է սկսվի այդտեղից և իջնի մինչև ստորին սպայական կազմ». Արման Բաբաջանյան
ԱԺ «Լուսավոր Հայաստան» խմբակցության պատգամավոր Արման Բաբաջանյանը ֆեյսբուքյան իր էջում գրել է. «Նախօրեին տեղեկություն տարածվեց, որ ժամկետային զինծառայող, շարքային Հայկ Սուրենի Ալավերդյանն իրեն հատկացված ԱԿ-74 տեսակի ինքնաձիգով դեմքի շրջանում ինքն իրեն պատճառել է մահացու հրազենային վնասվածք: ՀՀ քննչական կոմիտեից լրատվամիջոցներին ավելի ուշ հայտնել էին, որ դեպքի առթիվ չորրորդ կայազորային քննչական բաժնում ՀՀ քրեական օրենսգրքի 110-րդ հոդվածի (սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը) 1-ին մասով հարուցվել է քրեական գործ, կատարվում է նախաքննություն: Ոչ մարտական կորուստները, որոնց մեծ մասը ձևակերպում է որպես ինքնասպանություն, հետևանք են ոչ արդյունավետ, կոռուպցիոն կառավարման, երբ բանակում օրենքն ու կանոնադրային հարաբերությունները մղվում են երկրորդ պլան՝ միջանձնային հարաբերությունները հանգուցալուծելով ողբերգական ավարտով: Եթե Հայաստանի իշխանությունը, եթե ՊՆ ղեկավարությունը գիտակցում են խաղաղ պայմաններում զոհեր տալու անհանդուրժելիությունը, ապա նրանք պետք է որ արդեն իսկ գործուն անհանդուրժողություն ցուցաբերեին արատավոր գեներալիտետի հանդեպ, և այժմ հայկական զինուժում պետք է լինեին բոլորովին այլ բարձրագույն հրամանատարներ, բոլորովին այլ արժեքային համակարգով, այլ կենսագրությամբ, այլ մտածողությամբ և կերպարով: Անհանդուրժողությունը հայկական բանակում պետք է սկսվի այդտեղից և իջնի մինչև ստորին սպայական կազմ: Սակայն Հայաստանում, չնայած բանակում արձանագրված սպանությունների և ինքնասպանությունների շղթային, որևէ բարձրաստիճան զինվորական, որևէ գեներալ պատասխանատվություն չի կրել նույնիսկ պաշտոնաթողության տեսքով, էլ չասած քրեական պատասխանատվության մասին: Հայաստանում նույնիսկ որևէ դատաքննություն, բանակի աղմկոտ սպանությունների գործով, չի ավարտվել լեգիտիմ դատավճռով, որի արդարացիությունն ու լիարժեքությունը կասկած չհարուցեր զոհերի կամ տուժածների հարազատների մոտ»: |
«Կամաց-կամաց միկրոհեղափոխություն է անելու ձեր ուղեղներում, որ Հայաստանից էլ հրաժարվեք»․ Հովհաննես Իշխանյան
95Երեկ, 17:54«Սկզբից պետությունն օկուպացնում են, այնուհետև՝ մի քանի տասնյակ տարով «ազատագրում»»․ Կարեն Հեքիմյան
79Երեկ, 17:36«Այս տարիների ընթացքում չհաջողվեց ամրապնդել մեր անկախ պետականությունը»․ Մանե Թանդիլյան
86Երեկ, 16:24Պուտինը շտապ խորհրդակցություն է հրավիրել (տեսանյութ)
104Երեկ, 16:18Արարատ Միրզոյանը շնորհավորել է ԻԻՀ արտաքին գործերի նորանշանակ նախարարին
94Երեկ, 16:12«Հայկական կողմի և Կրեմլի տարածած հաղորդագրությունների միջև որոշակի տարբերություն կա»․ Հակոբ Բադալյան
103Երեկ, 15:24