Տեղի է ունեցել Հայաստանի ֆուտբոլային մրցաշրջանի մրցանակաբաշխությունը

Պարգևատրվեցին մրցաշրջան 2018-19-ի դափնեկիրները
Հունիսի 15-ին կայացել է Հայաստանի 2018/19թթ․ ֆուտբոլային մրցաշրջանի մրցանակաբաշխությունը։ Դափնեկիրները պարգևատրվել են ՀՖՖ տեխնիկական կենտրոնում։ Հանրապետության չեմպիոն «Արարատ-Արմենիա»-ին ոսկե մեդալներն ու գավաթը հանձնել է ՀՖՖ նախագահ Արթուր Վանեցյանը։ Պարգևատրվել են նաև փոխչեմպիոն «Փյունիկ»-ն ու բրոնզե մեդալակիր «Բանանց»-ը։

«Ոսկե խաղակոշիկ»-ը բաժին է հասել «Լոռի»-ի հարձակվող, առաջնության ռմբարկու Ջոնել Դեսիրեին (17 գոլ)։ Առաջին խմբի չեմպիոն «Յունիոր Սևան»-ին շնորհվել է չեմպիոնական փոքր գավաթը։

Պարգևատրվել են նաև ֆուտզալի Հայաստանի չեմպիոն «Լեո»-ն, արծաթե մեդալակիր «Արմենիա Թրավել»-ը, բրոնզե մրցանակակիր «Կումայրի»-ն։

Ֆուտզալի լավագույն խաղացողի անհատական մրցանակը բաժին է հասել «Լեո»-ն ներկայացնող Սարո Գալստյանին, լավագույն ռմբարկուի պարգևը՝ նրա թիմակից Գարեգին Մաշումյանին (42 գոլ)։