Հայաստանի հավաքականը հաղթանակ տոնեց

Երևանի Վազգեն Սարգսյանի անվան «Հանրապետական» մարզադաշտում ավարտվեց Եվրո-2020-ի ընտրական փուլի Հայաստան - Լիխտենշտեյն հանդիպումը։ Հայաստանի հավաքականը հաղթանակ տոնեց՝ 3։0 հաշվով։

Հանդիպման 2-րդ րոպեին Հայաստանի հավաքականի կազմում գոլի հեղինակ դարձավ Գևորգ Ղազարյանը։ 16 րոպե անց՝ հանդիպման 18-րդ րոպեին, Ալեքսանդր Կարապետյանը կրկնապատկեց հաշիվը։ Ավելացրած 1-ին րոպեին մեր հավաքականի հարձակվող Տիգրան Բարսեղյանը գրավեց մրցակցի դարպասը՝ խփելով թիմի 3-րդ գոլը։