«Altibox Norway Chess»-ում այսօր հանգստյան օր է

Նորվեգիայի Ստավանգեր քաղաքում ընթանում է «Altibox Norway Chess» գերմրցաշարը, որին Հայաստանը ներկայացնում է Լևոն Արոնյանը։ Այսօր մրցաշարում հանգստյան օր է։

Հիշեցնենք, որ առաջին երեք տուրերում Արոնյանը երկու հաղթանակ է տոնել՝ Ռուսաստանի ներկայացուցիչ Ալեքսանդր Գրիշչուկի և Ադրբեջանի ներկայացուցիչ Շախրիյար Մամեդյարովի նկատմամբ, ինչպես նաև պարտվել է աշխարհի չեմպիոն նորվեգացի Մագնուս Կարլսենին։

Վաղը կայանալիք 4-րդ տուրում Արոնյանը կմրցի Ֆրանսիան ներկայացնող Մաքսիմ Վաշյե Լագրավի հետ։