«Վստահ եմ՝ կբացահայտվեն բոլոր մեղավորները»․ Սոֆյա Հովսեփյան

«Իմ քայլը» դաշինքի պատգամավոր Սոֆյա Հովսեփյանը ֆեյսբուքյան իր էջում գրել է․ «Հարգելիներս, ինչպես և խոստացել էի այսօր հասցրեցի գնալ Շիրակի մարզի գյուղ Սպանդարյան, որպեսզի տեղում տեսնեմ աղմուկ հանած 37 մլն դրամ արժողությամբ ֆուտբոլի մարզադաշտը։ Դուք ճիշտ էիք, այն անպատմելի վիճակում էր և այդ դաշտում անգամ 10% ծախս չկար։ Նկարներում պարզ երևում է, թե կողային ցանցերն ինչպես են պատռվել գնդակի կպնելուց և այն դեպքում, երբ դեռ չի շահագործվում։ Սա անընդունելի է և վստահ եմ՝ կբացահայտվեն բոլոր մեղավորները։
Բացի մարզադաշտից այդ գյուղում կառուցվել է նաև մանկապարտեզ, որը, դեռ շահագործման չհանձնած, ունի բազմաթիվ խնդիրներ՝ որակի հետ կապված։ Խոսել եմ շինարարական կազմակերպության հետ, պահանջել արագ հարցը կարգավորեն և բոլոր խնդիրները վերացնեն, իսկ որոնք էլ հիմնանորոգման կարիք արդեն ունեն, ապա շտապ գործի անցնեն։ Շինարարը խոստացավ վաղվանից գործն սկսել և ինձ տեղյակ պահել ամբողջ ընթացքի մասին։ Վստահ եմ՝ մանկապարտեզի հարցը կկարգավորվի, իսկ մարզադաշտով կզբաղվեն իրավապահ մարմինները»։