Երևան`   +5 °C
Այսօր`   Չորեքշաբթի, 14 նոյեմբերի, 2018 թ.

ԱՄՆ-ը հակառուսական նոր պատժամիջոցներ է սահմանել. ցուցակը համալրել են Ղրիմի առողջարանները

2023
Ուրբաթ, 09 նոյեմբերի, 2018 թ., 11:20
ԱՄՆ-ը հակառուսական նոր պատժամիջոցներ է սահմանել. ցուցակը համալրել են Ղրիմի առողջարանները

ԱՄՆ-ը պատժամիջոցներ է սահմանել Ղրիմի 9 ընկերությունների նկատմամբ, որոնց թվում են 3 առողջարան և «Հարավային նախագիծ»-ը, որը կապ ունի Յուրի Կովալչուկի «Ռուսաստան» բանկի հետ: Այս մասին հայտարարել է Ուկրաինայի հարցերով ԱՄՆ Պետքարտուղարության հատուկ ներկայացուցիչ Քուրթ Ուոլքերը:

«ԱՄՆ-ը ֆինանսական նոր պատժամիջոցներ է սահմանում՝ կապված Ղրիմի և Դոնբասի հետ»,- ասել է Պետքարտուղարության ներկայացուցիչը:

Ըստ ամերիկյան կողմի՝ պատժամիջոցները սահմանվում են, որպեսզի Մոսկվան նստի բանակցային սեղանի շուրջ՝ Ուկրաինայում իրավիճակի կարգավորման համար:

Մոսկվան արձագանքել է նոր պատժամիջոցներին. «Ցուցակում են հայտնվել Ղրիմի առողջարանները: Սրա հետ կապված ակնկալում ենք հենց այդ առողջարանների հանրահայտության աճ»,- ասված է ԱՄՆ-ում Ռուսաստանի դեսպանատան հայտարարության մեջ: