Թրամփին գաղտնալսում են. The New York Times

Ռուսաստանն ու Չինաստանը գաղտնալսում են ԱՄՆ նախագահ Դոնալդ Թրամփի մասնավոր, չպաշտպանված հեռախոսը, հաղորդում է The New York Times-ը՝ հղում անելով ԱՄՆ նախագահի վարչակազմի գործող և նախկին ներկայացուցիչներին:

Ըստ տեղեկության՝ հատուկ ծառայությունները Թրամփին տեղեկացրել են գաղտնալսման մասին, սակայն նա չի ցանկացել հրաժարվել սմարթֆոնից, որով շփվում է իր հին ընկերների հետ:

Պարբերականը նշում է, որ Չինաստանն օգտագործում է գաղտնալսված խոսակցություններն իր քաղաքական նպատակներով: Նման տեղեկությունը, ըստ չինացի փորձագետների, կարող է օգտագործվել ԱՄՆ-ի և Չինաստանի միջև ծագած առևտրային պատերազմի պայմաններում:

Այն, որ Ռուսաստանն ու Չինաստանը գաղտնալսում են Թրամփի հեռախոսը, ամերիկյան հատուկ ծառայությունները տեղեկացել են արտասահմանյան կառավարություններում իրենց զրուցակիցներից, որից հետո նրանց հաջողվել է այդ տեղեկությունը հաստատող հաղորդագրություններ հայտնաբերել: