Երևան`   +4 °C
Այսօր`   Ուրբաթ, 29 մարտի, 2024 թ.

«Մենք պատրաստ ենք ռուսական С-400-ների համար ամերիկյան պատժամիջոցներին». Չավուշօղլու

4319
Ուրբաթ, 06 հուլիսի, 2018 թ., 16:15
«Մենք պատրաստ ենք ռուսական С-400-ների համար ամերիկյան պատժամիջոցներին». Չավուշօղլու

Թուրքիայի արտաքին գործերի նախարար Մևլյութ Չավուշօղլուն հայտարարել է, որ Թուրքիան ռուսական С-400 զենիթահրթիռային համակարգերի գնման համար պատժամիջոցների սահմանման դեպքում կպատասխանի ԱՄՆ-ին, հաղորդում է Anadolu-ն:

«Նրան ասում են. «Գնեք С-400-ները, և մենք պատժամիջոցներ կսահմանենք: Եթե սահմանենք, մենք ևս կպատասխանենք: Նման հարաբերություններ եք ցանկանում՝ ձեր իրավունքն է»,- ասել է նա:

Չավուշօղլուի խոսքով՝ ԱՄՆ-ն չպետք է մյուս երկրներից պահանջի միանալ պատժամիջոցների սահմանմանը:

«Մենք հասկանում ենք, որ ԱՄՆ-ն ու Ռուսաստանը խնդիրներ ունեն: Սակայն եթե մենք վատ հարաբերություններ ունենայինք, մենք չէինք զանգի բոլորին և չէինք ասի. «Մի ընկերացեք նրա հետ»: Դա նորմա՞լ է: Մենք նման մոտեցում չունենք: Կլինեն պատժամիջոցներ, կլինի նաև պատասխանը»,- եզրափակել է Չավուշօղլուն: