Սեբաստիան Կուրցն՝ աշխարհի ամենաերիտասարդ կանցլեր

Ավստրիայի արտաքին գործերի նախկին նախարար, ԵԱՀԿ ներկայիս նախագահ և Ավստրիայի ազգային կուսակցության 31-ամյա ղեկավար Սեբաստիան Կուրցը դարձել է Ավստրիայի կանցլեր: Նա երկրի պատմության ամենաերիտասարդ առաջնորդն է, հայտնում է РИА Новости-ն:
Նա 12 տարվա քաղաքական կարիերա ունի:

Նոր կոալիցիոն կառավարության երդմնատվության արարողությունը տեղի է ունեցել Հոֆբուրգ կայսերական պալատում:

Դեկտեմբերի 15-ին Ավստրիայի ժողովրդական կուսակցությունը՝ Կուրցի գլխավորությամբ, և Ավստրիայի ազատության կուսակցությունը՝ Հայնց Քրիստիան Շտրահեի գլխավորությամբ, ավարտել են բանակցությունները կառավարության ձևավորման շուրջ: Դեկտեմբերի 16-ին կուսակցությունների ղեկավարները հասարակայնությանն են ներկայացրել նախարարական պաշտոնների թեկնածուներին: