Կրակովում հրաձգություն իրականացրած տղամարդը մահացել է հիվանդանոցում

Կրակովի Գլխավոր շուկայի հրապարակում շաբաթ օրը հրաձգություն իրականացրած տղամարդը մահացել է հիվանդանոցում։ Այս մասին հաղորդում է լեհական Polsat հեռուստաալիքը՝ հղում կատարելով ոստիկանությանը։

«Լեհաստանի 24-ամյա քաղաքացին հոսպիտալացվել էր՝ նրան վնասազերծելու գործողության ընթացքում հրազենային վիրավորում ստանալուց հետո»,- հայտնում է հեռուստաալիքը։

Նշենք, որ նոյեմբերի 7-ի երեկոյան, տղամարդը մեքենայից կրակ է բացել Կրակովի Գլխավոր շուկայի հրապարակի տարածքում գտնվող անցորդների ուղղությամբ։ Զոհվել է վեց մարդ, ևս 16-ը վիրավորվել են։