Թրամփը հայտարարել է, որ գիշերվը հարվածել են Իրանի նորակառույց ՀՕՊ կայանքին

Դոնալդ Թրամփը հայտարարել է, որ ամերիկյան ուժերը գիշերվա ընթացքում հարվածել են Իրանի նորակառույց հակաօդային պաշտպանության կայանքին՝ ավելի քան երկու ամիս դրա շինարարությանը հետևելուց հետո:
Այսօր Ամերիկայում ընթանում են միջանկյալ ընտրությունների քվեարկությունները, և քվեարկության գործընթացի ավարտով կլրանա նախագահ Դոնալդ Թրամփի նախկին հայտարարության մեջ սահմանված վերջնաժամկետը, ըստ որի՝ ԱՄՆ-ը չէր հարձակվի Իրանի վրա մինչև միջանկյալ ընտրությունները։
Նախագահ Թրամփն ավելի վաղ ասել էր, որ ԱՄՆ-ն հարձակում չի սկսի Իրանի դեմ մինչև Ընտրությունների օրը։ Այնուամենայնիվ, նոր հարցազրույցի ընթացքում նա նշել է, որ չի ձգտում շատ մարդկանց սպանել, բայց անհրաժեշտության դեպքում կգործի։
Երեքշաբթի՝ նոյեմբերի 3-ին, Fox News-ին տված հեռախոսային հարցազրույցում նախագահ Թրամփն ասել է, որ ԱՄՆ-ն կարող է հետագա ռազմական գործողություններ ձեռնարկել Իրանի դեմ, եթե դրա անհրաժեշտությունը լինի, թեև նոր հարձակում սկսելու որոշման մասին չի հայտարարել։ «Լսե՛ք, ես չեմ ձգտում, գիտեք, շատ մարդկանց սպանել, բայց եթե ստիպված լինենք, ստիպված կլինենք»,— ասել է Թրամփը։
«Մենք կարող ենք վերջ տալ նրանց կամ բարի գտնվել և թույլ տալ, որ ապրեն հազարավոր մարդիկ, ովքեր կզոհվեին պատերազմում»,— հավելել է նա։
Այս հայտարարությունը հնչել է այն լուրերի ֆոնին, թե ԱՄՆ-ն կշռադատում է հետագա ռազմական գործողությունները Իրանի դեմ միջանկյալ ընտրություններից հետո։ Սակայն մեկ օր առաջ Թրամփն ասել էր, որ Ընտրությունների օրվանից հետո հարձակում չի դիտարկում։
Թրամփը նշել է, որ ամերիկյան ուժերը գիշերվա ընթացքում հարվածել են իրանական նորակառույց հակաօդային կայանքին՝ ավելի քան երկու ամիս դրա շինարարությանը հետևելուց հետո։
«Ընդամենը փոքր հարված։ Դա պատերազմ չէր»,— ասել է նա։
ԱՄՆ-ի զինվորականները երկուշաբթի՝ նոյեմբերի 2-ին, «պաշտպանական» հարվածներ են հասցրել Իրանի Քեշմ կղզուն։