«Եթե ադրբեջանցի ևս մեկ զինծառայող ներթափանցի Հայաստան, ամբողջ պատասխանատվությունը կրելու եք դուք»․ Տիգրան Աբրահամյանը Նիկոլ Փաշինյանին

«Շաքիում տեղի ունեցած դեպքի առնչությամբ և արդարացումներով, Ձեր այսօրվա հայտարարություններով դուք հող եք նախապատրաստում ադրբեջանցի զինծառայողի հանձնման, արտահանձնման համար։ Այս մասին կառավարության հետ հարցուպատասխանի ժամանակ ասաց, «Ուժեղ Հայաստան» խմբակցության քարտուղար Տիգրան Աբրահամյանը։

«Աստված մի արասցե, եթե ադրբեջանցի ևս մեկ զինծառայող ներթափանցի Հայաստան, հասնի հայկական բնակավայրեր, մտնի հայկական տուն և փորձի կրակել Հայաստանի քաղաքացիների վրա, ամբողջ պատասխանատվությունը կրելու եք դուք»։

Նիկոլ Փաշինյանն արձագանքեց․ «Ոչ մի նորություն չասացիք, որովհետև ամբողջ պատասխանատվությունը կրում եմ ես՝ անկախ ամեն ինչից»։