««Ուժեղ Հայաստան»-ի Հանրապետական պատգամավորները նպատակաուղղված սադրում են իրավիճակը»․ Ռուբեն Ռուբինյան

«Շատ վատ եմ գնահատում տեղի ունեցածը, բայց պետք է ասեմ, որ, ցավոք, տեղի ունեցածն արդյունքն է նրա, որ «Ուժեղ Հայաստան» խմբակցության մի շարք պատգամավորներ նպատակաուղղված սադրում են իրավիճակը նիստերի դահլիճում, և դրանք հիմնականում «Ուժեղ Հայաստան»-ի Հանրապետական թևը ներկայացնող պատգամավորներն են, որոնք աչքի են ընկնում բարոյականության բավականին ցածր մակարդակով և դա արտահայտվում է նիստերի դահլիճում»,- ճեպազրույցի ժամանակ անդրադառնալով ԱԺ-ում տեղի ունեցած միջադեպին, ասել է ԱԺ նախագահ Ռուբեն Ռուբինյանը։