Ոսկեպար գյուղում անհանգիստ են

«Հրապարակ»-ը գրում է․ «Նոյեմբերյան համայնքի սահմանամերձ Ոսկեպար գյուղում անհանգիստ են․ լուր է տարածված, որ մոտ մեկ շաբաթ առաջ մի քանի շքեղ, թանկ ավտոմեքենաներ են ժամանել Վերին Ոսկեպարի տարածք, ժամանածները ծանոթացել են խորհրդային ժամանակների ադրբեջանաբնակ Վերին Ոսկեպար (Յուխարը Ասկիպարա) գյուղի տարածքին, այնտեղ գտնվող շինություններին։ Ոսկեպար գյուղի վարչական ղեկավար Իշխան Աղբալյանին հարցրինք՝ ովքեր են այցելել Վերին Ոսկեպար։ Ասաց, որ ինքն այդ մասին լսել է, սակայն չգիտի, թե այդ լուրը ճիշտ է, թե՝ ոչ»։