«Ամենօրյա ռեժիմով վախի մթնոլորտ են ստեղծում․ սա այլանդակ մոտեցում է»․ Վահագն Մելիքյան

«Այն, ինչ անում են օրվա իշխանությունները՝ «կուժ, քեզ ասում եմ, կուլա՝ դու լսիր» խոսույթի տրամաբանության մեջ է մտնում, այն վախի մթնոլորտը, որ անընդհատ տարածում են ամենօրյա ռեժիմով, սա մեկ առանձին ցցուն օրինակ է, որ տեսեք, եթե այսպիսի մարդկանց հետ ենք այսպես վարվում՝ պատկերացրե՛ք՝ մի քիչ ավելի ներքևում և շատ ավելի ներքևում գտնվողների հետ ինչ պիտի կատարվի»,- ասուլիսի ժամանակ ասաց արտակարգ և լիազոր դեսպան Վահագն Մելիքյանը։ «Սա մի անհասկանալի, անընդունելի, այլանդակ մոտեցում է մարդու իրավունքներին, մեր արժանապատվությանը, ինքնությանը։ Սա միայն Գագիկ Ծառուկյանի խնդիրը չէ, նաև նրա բոլոր բախտակից գործընկերներին է վերաբերում և հասնում է մինչև Բաքու։ Բոլոր այս մարդիկ գտնվում են այնպիսի մի իրավիճակում, որ այս իշխանությունների վարած քաղաքականության արդյունքն է, և սրա մասին պետք է բարձրաձայնել»,- նշեց դիվանագետը։