«Ընդդիմադիր քաղաքական գործիչների նկատմամբ տեղի ունեցողը քաղաքական վենդետա է»․ Իվետա Տոնոյան

«Այն գործընթացները, որոնք այսօր տեղի են ունենում ընդդիմադիր քաղաքական գործիչների նկատմամբ, ոչ այլ ինչ են, քան քաղաքական վենդետա և քաղաքական հաշվեհարդար»,- ասուլիսի ժամանակ հայտարարեց ԲՀԿ խոսնակ Իվետա Տոնոյանը։ «Բոլորն են հասկանում, որ կալանավորված, կալանավորվող և կալանավորվելիք բոլոր ընդդիմադիր քաղաքական գործիչների դեմ հարուցված քրեական գործերում իրավական կոմպոնենտը զրո է, և այստեղ մենք գործ ունենք բացառապես քաղաքական վրեժխնդրության հետ»,- նշեց Տոնոյանը։ «Հայաստանում կալանքը դարձել է պատժիչ գործոն իշխանությունների ձեռքին, և բոլոր քաղաքական ընդդիմախոսների նկատմամբ հաշվեհարդարի մոլուցքով տարված՝ կիրառվում է հենց կալանք, այն դեպքում, որ բացարձակ անհրաժեշտություն չկա այս մարդկանց կալանքի տակ պահել»,- շարունակեց ԲՀԿ խոսնակը։