Իրանը Կապանում նոր գլխավոր հյուպատոս ունի

Իրանը Կապանում նոր գլխավոր հյուպատոս ունի․ այդ պաշտոնում նշանակվել է Դավուդ Յայջին։ Այս մասին նշվում է Իրանի արտգործնախարար Աբբաս Արաղչիի թելեգրամյան ալիքում։

«Հայաստանի Կապան քաղաքում Իրանի Իսլամական Հանրապետության նորանշանակ գլխավոր հյուպատոս Դավուդ Յայջին պաշտոնի ստանձնման մեկնելուց առաջ հանդիպել է արտաքին գործերի նախարար Աբբաս Արաղչիի հետ և ներկայացրել իր ծրագիրը։

Մաղթելով հաջողություն նորանշանակ գլխավոր հյուպատոսին՝ արտաքին գործերի նախարարը կարևորել է Իրանի Իսլամական Հանրապետության և Հայաստանի միջև հարաբերությունները՝ բարիդրացիության քաղաքականության համատեքստում, ինչպես նաև ընդգծել է փոխադարձ հետաքրքրություն ներկայացնող բոլոր ոլորտներում, հատկապես՝ տնտեսական և հյուպատոսական բնագավառներում կապերի խորացման անհրաժեշտությունը։