«Երեք երեխաներ հոսպիտալացվել են․ այսօր էլ կանչեր կան»․ Արմեն Վարդումյան

«Գիշերը ժամը 3-4-ից հետո սկսվել են կանչերը, մինչև առավոտ ունեցել ենք 23-24 կանչ, որոնցից 15-ը մոտավորապես նման գանգատներով, երեքը հոսպիտալացվել են՝ 3, 5 և 12 տարեկան երեխաներ, որոնց վիճակն այժմ բավարար է»,- «Նյուզ»-ի եթերում հայտնել է Բյուրեղավանի քաղաքային պոլիկլինիկայի տնօրեն Արմեն Վարդումյանը՝ անդրադառնալով աղիքային վարակի հերթական դեպքին։ «Այսօր էլ կանչեր կան, արդեն ամբուլատոր հաճախումներ, հիմնականում ընտանեկան բժիշկների հետ հեռախոսային խորհրդակցություններ, խորհուրդներ և այլն։ Ծանրաբեռնված աշխատում ենք»,- նշել է նա։

Հիշեցնենք՝ ավելի վաղ Առողջապահության նախարարությունը հայտնել էր, որ Բյուրեղանում աղիքային վարակին բնորոշ գանգատներով բուժօգնության են դիմել քաղաքացիներ, որոնցից 3-ը հոսպիտալացվել է։