«Դատավորները հասկանում են, որ սա խնդրահարույց գործ է»․ Արա Զոհրաբյան

«Ինչպես գիտեք Ամենայն Հայոց Կաթողիկոսին մեղադրում են իր եկեղեցական, կանոնական գործառույթը կատարելու մեջ։ Հոգևորականին նա կարգալույծ է հռչակել, և դա համարվել է, որպես դատական ակտի խոչընդոտում, այն դեպքում, երբ դա համարվել է Սահմանադրությամբ և օրենքրերով պետության միջամտելու առումով փակ տարածք»,- այս մասին դատական նիստից հետո լրագրողների հետ զրույցում նշեց փաստաբան Արա Զոհրաբյանը՝ ընդգծելով, որ դատավորը չցանկացավ Վեհափառի ու սրբազանների գործը քննել։

«Դատավորները հասկանում են, որ սա խնդրահարույց գործ է, մի կողմից՝ իրենց խիղճն է, արդարությունն ու ճշմարտությունը, մյուս կողմից՝ քաղաքական ճնշումը,- նշեց փաստաբանը՝ հավելելով, որ գործը Երևան տեղափոխելը խնդրահարույց է։

«Միքայել արքեպիսկոպոս Աջապահյանի գործն էլ Երևանում քննվեց, վերջում պարզվեց, որ ընդատության կանոնի խախտում կար և բեկանվեց, այիսնքն այդ ժամանակահատվածը ջուրը լցրեցին։ Հիմա նույն ռիսկերը կան։ Մի կարևոր մտահոգություն էլ կա, գործը կարող է մակագրվել այնպիսի դատավորի, որին հանրությունը չի վստահում՝ օրինակ Մասիս Մելքոնյանին, Կարեն Ֆարխոյանին, Արմինե Մալիքսեթյանին»,- հավելեց փաստաբանը։