«2026թ. առաջին կիսամյակում քանի՞ ՄՌՏ է փոխհատուցվել»․ Տիգրան Ջրբաշյան

Տնտեսագետ Տիգրան Ջրբաշյանը ֆեյսբուքյան իր էջում գրում է. «Նախորդ գրառումների շարունակությունը՝ հասկանալու, թե հրապարակվող «դեպքերի» թվերն իրականում ինչ են նշանակում։
Այս անգամ՝ ՄՌՏ-ի մասին։
2026թ. առաջին կիսամյակի հրապարակված տվյալներից առանձին չի երևում՝ քանի ՄՌՏ հետազոտություն է փոխհատուցվել։
Իսկ գնահատման համար հատկապես երկու ցուցանիշ է հետաքրքիր․
քանի՞ ՄՌՏ է կատարվել 1,000 ապահովագրվածի հաշվով,
և միջինում քանի՞ ՄՌՏ է կատարվել այն մեկ անձի հաշվով, որն իրականում ստացել է այդ ծառայությունը։
Առաջինը թույլ է տալիս համեմատել համակարգի ինտենսիվությունը այլ երկրների հետ, երկրորդը՝ հասկանալ կրկնվող հետազոտությունների չափը։
Հետևաբար պարզ հարց Հիմնադրամին․ 2026թ. առաջին կիսամյակում քանի՞ ՄՌՏ է փոխհատուցվել, քանի՞ եզակի անձ է ստացել այդ ծառայությունը, և ինչքա՞ն են այս երկու ցուցանիշները»։