Ռուս բժիշկներն աշխարհում առաջին էնդոսկոպիկ վիրահատությունն են կատարել 101-ամյա հիվանդի գանգի վրա
![]() Սամարայի պետական բժշկական համալսարանի կլինիկայում 101-ամյա հիվանդի մոտ աշխարհում առաջին էնդոսկոպիկ վիրահատությունն են կատարել սեպաձև խոռոչի վրա։ Տղամարդը հիվանդանոց է ընդունվել անգիտակից վիճակում՝ ուժեղ գլխացավի և մարմնի ընդհանուր ցավերի մասին բողոքելուց հետո: Զննման արդյունքում հայտնաբերվել է սֆենոիդիտ՝ սեպաձև խոռոչի բորբոքում, որը գտնվում է գանգի հիմքի կենտրոնական մասում։ Վիճակը բարդացել է երկրորդային ռինոգեն մենինգիտով՝ ուղեղաթաղանթների ծանր թարախային բորբոքումով։ «Վիրաբույժները քթի միջոցով կատարել են նվազագույն ինվազիվ էնդոսկոպիկ վիրահատություն. նրանք բացել են սինուսը, ողողել այն, հեռացրել թարախային պարունակությունը և լայնացրել բացվածքը», - հայտնել է մամուլի ծառայությունը։ Վիրահատությունը տևել է մոտ 30 րոպե։ Պրոցեդուրաների ընթացքում բժիշկներն օգտագործել են Սամարայի պետական բժշկական համալսարանում մշակված «Autoplan» վիրաբուժական նավիգացիոն համակարգը։ Այն թույլ է տալիս նախաօպերացիոն մոդելավորում և անատոմիական կառուցվածքների ավելի ճշգրիտ կողմնորոշում՝ նվազեցնելով ֆունկցիոնալ կարևոր հատվածների վնասման ռիսկը։ Վիրահատությունից հետո տղամարդը ևս մեկ շաբաթ մնացել է հիվանդանոցում՝ մասնագետների հսկողության ներքո։ Նրա վիճակը բարելավվել է, և նա դուրս գրվել տուն։ Նա շուտով կդառնա 102 տարեկան։ |

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
14116.11.2026, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
22013.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
24511.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
25509.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
25309.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
22706.11.2026, 01:06
