«Ինչո՞վ եք դուք տարբերվել Նիկոլ Փաշինյանի այսօրվա ռեժիմից»․ Էդմոն Մարուքյան

Platform-ի եթերում, ի թիվս այլ թեմաների, ԼՀԿ ղեկավար Էդմոն Մարուքյանն անդրադարձել է ԲՀԿ առաջնորդ Գագիկ Ծառուկյանի շուրջ ստեղծված իրավիճակին, զուգահեռ անցկացրել 2015թ․ Սերժ Սարգսյանի իշխանության տարիներին նրա հետ տեղի ունեցածի հետ։ «Նայում եմ, նախկին իշխանության տարբեր ներկայացուցիչներ արդարացիորեն քննադատում են՝ ոնց կարելի է Ծառուկյանին սենց անել։ Նայում, ասում ես՝ տղե՛րք, էս դո՞ւք եք, հիշո՞ւմ եք՝ ՀՀԿ նիստում ինչե՜ր էիք ասում Ծառուկյանին։ Գեներալ Մանվելն ասում էր՝ պարոն նախագահ, չագուչն էլ ա ձեռդ, մեխն էլ, Հովիկ Արգամիչն ասում էր՝ պետք է բամփել գլխին, Աշոտյանն ասում էր՝ հրեշին կոլբայում ենք պահել, Սերժ Սարգսյանն ասում էր՝ ես էի արգելել հոլովել Դոդի Գագո կնիքը։ Խուզարկեցին Ծառուկյանի օբյեկտները, ախրանիկներին կալանավորեցին։ Հասել էր դրվագի, որ պետք է Ծառուկյանին կալանավորեին, որքանով հիշում եմ, Սամվել Կարապետյանը եկավ, միջնորդեց․․․ Հարց ա առաջանում՝ ինչո՞վ եք դուք տարբերվել Նիկոլ Փաշինյանի այսօրվա ռեժիմից։ Էս օրինակով ուզում եմ ցույց տալ, որ սա նույն հին սիստեմն ա»,- նշել է Մարուքյանը։