«Կուսակցապետության խնդիրն ենք նշել, քննարկել ենք 79 հազար քաղաքացու «չաշխատող» անձնագրի հարցը»․ Արամ Վարդևանյան

«Մենք ընդգծել ենք կուսակցապետության խնդիրը»,- ՍԴ այսօրվա նիստից հետո լրագրողների հետ զրույցում նշեց «Ուժեղ Հայաստան» կուսակցությունների դաշինքի ներկայացուցիչ, փաստաբան Արամ Վարդևանյանը։ «Ինչքան էլ Ընտրական օրենսգիրքը մեխանիզմներ նախատեսի, միայն այն փաստը, որ ՔՊ նախընտրական ցուցակը 90 տոկոսով բաղկացած էր պաշտոնյաներից, սա արդեն վկայում է այն մասին, որ մենք ունենք գործադիր իշխանության և կոնկրետ կուսակցության նույնացման ռիսկը, և ցավոք այդ ամենն իր արտացոլումն ստացել է»,- նշեց Վարդևանյանը։

Նա նաև հավելեց, որ ՍԴ-ում բոլոր հնարավոր հարցերին անդրադարձ կատարվել է․ «Քննարկել ենք նաև 79 հազար քաղաքացիների քվեներին վերաբերող այն հանգամանքը, որ անձնագրերըը «աշխատող» չէին կամ վերիֆիկացնող սարքերը չաշխատող էին, և համոզիչ հակափաստարկ չլսեցինք»։