«Այստեղ որևէ մի արտառոց կամ խնդրահարույց երևույթ չկա»․ Արամ Վարդևանյան

«Ուժեղ Հայաստան» կուսակցությունների դաշինքի ներկայացուցիչ, փաստաբան Արամ Վարդևանյանը լրագրողների հետ զրույցում անդրադառնալով այն հարցին, թե Սամվել Կարապետյանի այն հայտարարությունը, թե «կա գաղտնի պլան՝ Նիկոլ Փաշինյանին հեռացնելու», արդյո՞ք նոր քրեական գործի հիմք չի հանդիսանա, նշեց․ «Նման մտահոգություն չունեմ։ Բոլորդ հիշում եք՝ եթե «մեր ձևով կմասնակցենք եկեղեցու պաշտպանությանը» որպես նախադասություն կարող էր դիտարկվել իշխանությունը բռնությամբ զավթելու կոչ, ապա շնչել- արտաշնչելը ևս կարող է դիտարկվել որպես իշխանությունը բռնությամբ զավթելու կոչ, բայց բովանդակային իմաստով, իհարկե, որևէ ռիսկային կամ արտառոց միտք դրանում չկա։ Ցանկացած ուժ ունենում է իր առջև իշխանափոխության խնդիր է դնում, և դրա մի մասը ներկայացնում է հրապարակային, մի մասը՝ ոչ հրապարակային։ Այստեղ որևէ մի արտառոց կամ խնդրահարույց երևույթ չկա։ Իսկ պարոն Կարապետյանը, կարծում եմ, բավականին դրական ներկայացրեց այդ ամենը և հանրության արձագանքներ, կարծում եմ, առավել քան դրական կլինի»։