«Այս դատավարությունում ձեր կողմից ներկայացված դիրքորոշումներն ինձ համար շատ ավելի կարևոր են»․ դատավորը՝ Վահագն Հովակիմյանին

«Ուզում եմ ուղղակիորեն շեշտադրել, որ այս դատավարության ընթացքում ձեր կողմից ներկայացված դիրքորոշումները, բացատրությունները, հարցերի պատասխաններն ինձ համար շատ ավելի կարևոր են»,- ՍԴ նիստի ժամանակ դիմելով ԿԸՀ նախագահ Վահագն Հովակիմյանին՝ ասաց դատավոր Երվանդ Խունդկարյանը։ «Ինչի եմ դա ասում, որովհետև պատասխանողի կողմից՝ ԿԸՀ-ի կողմից փաստերի դեմ որևէ ձև չառարկելը դա ուղղակիորեն բերում է հետևանքի, որ այդ փաստը համարվում է հավաստի՝ բացառությամբ, եթե ՍԴ կողմից ձեռքբերված այլ ապացույցներով դրանք չեն հերքվի։ Երկրորդ՝ եթե կընդունեք որևէ հանգամանք, այդպիսի հանգամանքի գոյության պարագայում դիմող կողմն ազատվելու է այդ հանգամանքների վերաբերյալ ապացույց ներկայացնելու պարտականությունից։ Ուստի ես շատ ավելի կարևորում եմ յուրաքանչյուր փաստարկի դեմ ձեր դիրքորոշումը»,- պարզաբանեց դատավորը։