«Թե ինչու են հիմա այդ քայլին գնում, պատասխանը կգտնեք նկարում»․ Արթուր Դանիելյան

«Ադեկվատ» միաբանության հիմնադիր Արթուր Դանիելյանը ֆեյսբուքյան իր էջում լուսանկար է հրապարակել՝ կից գրելով․ «Ճիշտ եք անում, որ բանի տեղ չեք դնում Իսրայելի կողմից ցեղասպանության ճանաչմանը: Բայց եթե հանկարծ ձեզ հետաքրքրի, թե ինչու են նրանք հենց հիմա այդ քայլին գնում, ապա պատասխանը կգտնեք այս նկարում:
Սա երկաթգիծ է, որը կառուցել էր Աբդուլ Համիդը, և որը դադարեցրել էր աշխատանքը Առաջին համաշխարհայինի ժամանակ: Հարյուր տարի անց այն վերագործարկվեց, հետն էլ դե ցեղասպանությունը «վերագործարկեցին»՝ մի տեսակ մոռանալով 3 տարի առաջ տեղի ունեցած էթնիկ զտումը Իսրայելի ռազմավարական դաշնակցի կողմից...
Երկաթգիծը վերագործարկելու համաձայնագիրը կնքվել է 2 շաբաթ առաջ: Սա Եվրոպան Մերձավոր Արևելքին կապող կրիտիկական ցամաքային երկաթգիծն է»: