«Իսրայելը կորցնում է ԱՄՆ-ի «հատուկ դաշնակցի» կարգավիճակը». #Politico

Իսրայելը կորցնում է Միացյալ Նահանգների «հատուկ դաշնակցի» կարգավիճակը՝ Վաշինգթոնի դժգոհության ֆոնին երկրի գործողություններից, հաղորդում է Politico-ն՝ հղում անելով աղբյուրներին։

Հրատարակությունը հիշեցնում է, որ անցյալ շաբաթ ԱՄՆ փոխնախագահ Ջ.Դ. Վենսը հայտարարել էր, որ Իսրայելը գրեթե «ընկերներ չունի աշխարհում», ուստի պետք է ուշադիր մտածի իր դաշնակիցների վրա հարձակվելուց առաջ: Ինչպես նշել է Վենսի անանուն կողմնակիցներից մեկը, փոխնախագահը պարզապես կրկնում էր ԱՄՆ նախագահ Դոնալդ Թրամփի խոսքերը, որը վերջերս դժգոհություն էր հայտնել Իսրայելի վարչապետ Բենիամին Նեթանյահուի նկատմամբ՝ թե՛ հրապարակավ, թե՛ անձնական զրույցներում:

«Իսրայելի համար խնդիրն ավելի լայն է, քան Վենսի խնդիրը։ Վենսը խորհրդանշում է նոր նորմ, որտեղ Իսրայելի՝ որպես Ամերիկայի դաշնակցի կարգավիճակը առաջնահերթություն չի տրվում մյուս երկրների նկատմամբ», - նշել են ամերիկացի և իսրայելցի պաշտոնյաները Politico-ին։