«Ես կրքոտ հռետոր եմ, միշտ խոսում եմ սուր»․ Նիկոլ Փաշինյան

«Ես կրքոտ հռետոր եմ, եթե հիմա էլ ինձ հուզող թեմայի մասին խոսեմ, էլի կրքոտ և եռանդուն եմ խոսելու»,- այս մասին ճեպազրույցի ժամանակ ասաց Նիկոլ Փաշինյանը՝ անդրադառնալով դիտարկմանը, որ նախօրեին ԱԺ-ում հնչած հարցերին վրդովված և հունից դուրս գալով է պատասխանել։

«Հե՛տ գնացեք մեկ տարի առաջ՝ ես այդպես էի խոսում, 2 տարի առաջ, 10 տարի առաջ, 15 տարի առաջ ես այդպես էի խոսում, ես այդպես եմ խոսում ու այդպես եմ հաղորդակցվում, որովհետև այդ թեմաները շատ կարևոր, օրգանիկ թեմաներ են: Ես այդ թեմաներով ապրում եմ, սա ինձ համար քաղաքական ներկայացում չի, սա կյանք է, որով ես ապրում եմ։ Հետևաբար ինչ վերնագիր ուզում եք դնել՝ դա ձեր իրավունքն է․․․ Ես միշտ խոսում եմ սուր, գնացե՛ք ու նայե՛ք՝ նույն մարդկանց մասին, որոնց անունը այսօր տալիս եք, ԱԺ-ում իրենց մասին ինչ եմ խոսել, երբ ընդդիմադիր պատգամավոր եմ եղել: Հիմա դա լավ է, թե վատ է, ես չգիտեմ, բայց ես խոսում եմ ու հաղորդակցվում եմ այդպես»,- նշեց Փաշինյանը: