«Ադրբեջանն իր ինքնիշխան տարածքում ինչ-որ բան է անում». Թորոսյանը՝ Ստեփանակերտի եկեղեցու քանդման մասին

Ադրբեջանն իր ինքնիշխան տարածքում ինչ-որ բան է անում, այս մասին հայտարարել է Աշխատանքի և սոցիալական հարցերի նախարար Արսեն Թորոսյանը՝ անդրադառնալով Ադրբեջանի կողմից Ստեփանակերտի եկեղեցին ոչնչացնելուն: «Երբ հարևանների հետ հարաբերությունների կարգավորման փուլում ես, երբ ուզում ես հարաբերությունները նորմալացնել, երբ նման հարց ես բերում օրակարգ, ճիշտ չէ։ Մենք փորձում ենք խաղաղություն կառուցել մեր հարևանի հետ, կարծում եմ՝ եթե անգամ իրենք անում են այդպիսի քայլեր, ուզում են սադրել, մենք պետք է իմաստուն գտնվենք և չանենք նման քայլեր»,- «Նյուզ»-ի փոխանցմամբ՝ ասել է նա: