«Մենք տեսնում ենք, թե ինչպես է ՀՀ կառավարությունը փոխել Հայաստանի ուղին»․ Մարգուս Ցահքնա

Մենք տեսնում ենք, թե ինչպես է ՀՀ կառավարությունը փոխել Հայաստանի ուղին։ Այս մասին հայտարարել է Էստոնիայի ԱԳ նախարար Մարգուս Ցահքնան՝ ՀՀ ԱԳ նախարար Արարատ Միրզոյանի հետ մամուլի ասուլիսի ժամանակ։

«Խաղաղության ուղին Հայաստանի և Ադրբեջանի միջև հույժ կարևոր է և նախապայմանները ժողովրդի բարգավաճման և բիզնես ոլորտի համար և առևտրի միջանցքներ ստեղծելով Եվրոպայի և աշխարհի մյուս երկրների միջև, այս ամենը հենց խաղաղության նախապայմանն է։ Իրականում սա հսկայական աշխարհաքաղաքական փոփոխություն է, ոչ միայն այն ինչ դուք անում եք հայ ժողովրդի համար, այլև ողջ տարածաշրջանի համար։ Մենք ուզում ենք աջակցել դրան, ուզում ենք մեր փորձառությամբ կիսվել»։