«Իրանի նոր գերագույն առաջնորդ Մոջթաբա Խամենեին առողջ է և լիովին վերահսկում է երկիրը». Արաղչի

Իրանի նոր գերագույն առաջնորդ Մոջթաբա Խամենեին առողջ է և լիովին վերահսկում է երկիրը: Այս մասին, ինչպես հաղորդում են Fars և ISNA լրատվական գործակալությունները, հայտարարել է Իրանի արտաքին գործերի նախարար Աբբաս Արաղչին։

Մեկ օր առաջ Դոնալդ Թրամփը NBC-ին տված հարցազրույցում հայտարարել էր, որ կասկածում է, որ Իրանի նոր գերագույն առաջնորդը ողջ է։

«Ես չգիտեմ, թե նա ողջ է, թե ոչ։ Ոչ ոք դեռ չի կարողացել ցույց տալ նրան։ Ես լսել եմ, որ նա մահացել է։ Եթե նա ողջ չէ, ապա նա պետք է շատ խելացի բան անի իր երկրի համար, այսինքն՝ հանձնվի», - ասել էր ամերիկացի նախագահը։

Ավելի վաղ ԱՄՆ պաշտպանության նախարար Փիթ Հեգսեթը ճեպազրույցի ժամանակ հայտարարել էր, որ Մոջթաբա Խամենեին «վիրավորվել է և, հավանաբար, այլանդակվել»։