«Միջերկրածովյան ուղղությամբ կարող են կուտակվել լուրջ լիցքեր». Հակոբ Բադալյան
![]() Քաղաքական մեկնաբան Հակոբ Բադալյանի թելեգրամյան գրառումը. «Թուրքիայի պաշտպանության նախարարությունը տարածել է հայտարարություն, որ Հունաստանն Էգեյան ծովի կղզիներում ստեղծում է հակաիրավական իրավիճակ: Կիպրոսի բրիտանական ռազմակայաններին Իրանի հարվածից հետո Հունաստանը «Պատրիոտ» համակարգեր է տեղակայել Էգեյան ծովի Կերպե կղզում: Դա դուր չի եկել Թուրքիային, որը նշում է, թե այդ կղզին հունական իրավասության ներքո է ապառազմականացվածության պայմանով՝ համաձայն Լոզանի և Փարիզի պայմանագրերի: Ըստ Անկարայի, կղզում ռազմական տեղակայումները հակաիրավական են: Այստեղ տեղին է ուշադրության արժանացնել մի հանգամանք, որի մասին տեղեկություն տարածվեց օրեր առաջ: Ցավոք, լրահոսի ինտենսիվության շրջանակում չհասցրի անդրադառնալ այդ տեղեկությանը, սակայն ներկայիս ծավալումները ևս մի պատեհ առիթ են դրա համար: Մի քանի օր առաջ, երբ թվում է, թե Իրանի շուրջ է ծավալվում գլխավոր համաշխարհային ռազմական թատերաբեմը, Թուրքիան կայացնում է որոշում՝ Հյուսիսային Կիպրոսում տեղակայել Ֆ-16 կործանիչների խմբաքանակ՝ Հյուսիսային Կիպրոսի անվտանգությունն ու պաշտպանությունը ուժեղացնելու համար: Համաշխարհային գլխավոր ռազմական թատերաբեմը Ծոցն է, Մերձավոր Արևելքը, Թուրքիայի ուղղությամբ հենց այդ թատերաբեմից է գնում երկու բալիստիկ հրթիռ, բայց Անկարան ռազմական ուշադրությունը ցուցադրաբար կենտրոնացնում է Միջերկրածովյան ուղղությամբ: Այսօր Թուրքիայի ՊՆ տարածած հաղորդագրությունը՝ Հունաստանի գործողությունների հակաիրավականության վերաբերյալ, վկայում է այն մասին, որ Միջերկրածովյան ուղղությամբ կարող են կուտակվել լուրջ լիցքեր: Եվ այդ համատեքստում ուշադրության արժանի մյուս հանգամանքը այն է, որ Մերձավոր Արևելքում գործընկեր կամ դաշնակից երկրներին Իրանի հրթիռներից պաշտպանելու պատրվակով Ֆրանսիան հյուսիսային ջրերից դեպի միջերկրածովյան ռեգիոն է տեղափոխում իր Շարլ դե Գոլ ավիակիրը: Իսկ Ֆրանսիան ու Հունաստանը միջերկրածովյան ռեգիոնում գործում են կողք կողքի: Ուզում եմ հիշեցնել, որ տարիներ առաջ ընդհուպ ծագում էր ֆրանս-թուրքական ռազմական բախում, երբ Անկարան ու Աթենքը վիճարկում էին Էգեյան ծովում իրենց դիրքերն ու իրավունքները: Ի վերջո, շատ կարևոր է նկատել նաև Հունաստան-Կիպրոս- Իսրայել գիծը, որ ձևավորվել է վերջին տարիներին, և որը այդ թվում միջերկրածովյան ռեգիոնում նավթագազային պաշարների հավակնության գիծ է, լինելով մարտահրավեր Անկարայի հավակնությունների դեմ: Այդ մեծ պատկերի ֆոնին Թուրքիայի ՊՆ հայտարարությունը գործնականում կարող է լինել նախանշան, որ միջերկրածովյան ռեգիոնում արշալույսները կարող են դադարել լինել խաղաղ, առավել և Ծոցի պատերազմի ֆոնին»: Աղբյուրը` Հակոբ Բադալյան |

«Եթե կգտնեք, իմ աչքը կմտցնեք սահմանադրության այն կետը, որով օտար շահ է սպասարկվում»․ Սրբուհի Գալյան (տեսանյութ)
521:18
«Արագ դուրս եկար ստեղից, դավայ, դուրս եկար»․ Ռուբեն Ռուբինյանը՝ Էդգար Ղազարյանին (տեսանյութ)
7121:00
«Լափամանից փայ եք ունեցել, կտրվել եք, դրա համա՞ր եք մրմռում»․ Նիկոլ Փաշինյանը՝ Արեգա Հովսեփյանին (տեսանյութ)
5920:54
Նիկոլ Փաշինյանի ակնարկներն ընդդիմության երաշխավորների՝ «Վասիլիչի» և «Նիկոլայիչի» մասին (տեսանյութ)
7820:24
«Անշրջելի խաղաղության ճանապարհին մի խոչընդոտ ունենք՝ խորհրդարանական ընդդիմությունն է»․ Նիկոլ Փաշինյան (տեսանյութ)
6820:00
«Ժանրի կանոնները պահանջում են, որ ձեզ ասեմ՝ Ալիևի աբսլուգ, բայց ես դա չեմ անի»․ Մեսրոպ Մանուկյան (տեսանյութ)
8819:36
