«Հայաստանը դառնում է Արևմուտքի գործիքը՝ Ռուսաստանի հետ դիմակայության մեջ». Գալուզին

Արևմուտքը Հայաստանն օգտագործում է որպես աշխարհաքաղաքական գործիք Մոսկվայի հետ իր դիմակայության մեջ, հայտարարել է Ռուսաստանի փոխարտգործնախարար Միխայիլ Գալուզինը ՏԱՍՍ-ին տված հարցազրույցում։

«Վերջերս ՀՀ վարչապետ Նիկոլ Փաշինյանը հարցազրույցում նշել է, որ Հայաստանի դիրքորոշումը չի ենթադրում Ռուսաստանի շահերին վնաս հասցնելը։ Այնուամենայնիվ, մենք տեսնում ենք, որ Երևանը արագացնում է իր ռազմական, քաղաքական և տնտեսական մերձեցումը արևմտյան երկրների և դաշինքների հետ։ Մենք բազմիցս ասել ենք մեր հայ գործընկերներին, որ Արևմուտքի համար, և նրանք այլևս չեն թաքցնում դա, Հայաստանը աշխարհաքաղաքական պայքարի գործիք է Մոսկվայի հետ դիմակայության մեջ», - ասել է նա։