Տաջիկստանը հայտնել Է Աֆղանստանի հետ սահմանին զինված բախման մասին

Զինված բախում է տեղի ունեցել Աֆղանստանից Տաջիկստանի տարածք ներթափանցած զինված խմբի և տաջիկ սահմանապահների միջև, կան զոհեր։ Այս մասին հայտնում է ՏԱՍՍ-ը հղում կատարելով Տաջիկստանի ազգային անվտանգության պետական կոմիտեի հայտարարությանը։

Նշվում է, որ «գործողության արդյունքում ահաբեկչական կազմակերպության երեք անդամներ, որոնք անօրինական կերպով հատել էին սահմանը Աֆղանստանին սահմանակից Տաջիկստանի Խաթլոնի շրջանի Շամսիդին Շոխին շրջանում, զինված դիմադրություն են ցուցաբերել և վնասազերծվել։ Սպանվել են երկու տաջիկ սահմանապահներ»։