«Պուտինը պատրաստ է Մակրոնի հետ երկխոսության». Պեսկով

Ռուսաստանի նախագահ Վլադիմիր Պուտինը պատրաստ է երկխոսություն սկսել Ֆրանսիայի նախագահ Էմանուել Մակրոնի հետ, ՌԻԱ Նովոստիին ասել է Կրեմլի խոսնակ Դմիտրի Պեսկովը։

«Նա իր պատրաստակամությունը հայտնեց խոսելու Պուտինի հետ։ Հավանաբար կարևոր է հիշել, թե ինչ ասաց նախագահը ուղիղ գծի ընթացքում։ Նա նաև իր պատրաստակամությունը հայտնեց երկխոսություն սկսելու Մակրոնի հետ։ Հետևաբար, եթե կա փոխադարձ քաղաքական կամք, ապա դա կարելի է միայն դրականորեն դիտարկել», - նշել է Պեսկովը։

Պեսկովը հավելել է, որ երկու առաջնորդների միջև հնարավոր շփումները պետք է լինեն միմյանց դիրքորոշումները հասկանալու փորձ, այլ ոչ թե դասախոսություն։

«Պուտինը միշտ պատրաստ է մանրամասն, անկեղծորեն և հետևողականորեն բացատրել իր դիրքորոշումները իր զրուցակիցներին», - հավելել է նախագահի մամուլի քարտուղարը։

Ուրբաթ օրը Մակրոնը հայտարարել էր, որ եվրոպական երկրների համար օգտակար կլինի վերսկսել երկխոսությունը Ռուսաստանի ղեկավարության հետ։