«Հասկանում են, որ արդար եղանակով չեն կարողանալու հաղթել ու վերարտադրվել»․ Ստեփան Դանիելյան

Քաղաքագետ Ստեփան Դանիելյանը գրում է. «Լավ լուր․

ունենք փաստ, որ վարչակազմն արտաքին օգնություն է խնդրում 2026-ին վերարտադրվելու համար։ Իրենք լավ են տիրապետում իրական վիճակին և հասկանում են, որ արդար եղանակով չեն կարողանալու հաղթել։ Սա իրենց թուլության ինքնախոստովանությունն է ու խուճապի դրսևորություն։
1. Արտաքին օգնության խնդրանքը ցուցադրում է իրենց թուլությունը։
2. Քանի որ չունեն երկրի ապագայի նախագիծ, թուլության ցուցադրումն էլ ավելի է խաթարում իրենց դիրքերը։
3. Ընտրություններին ընդառաջ մենք ականատես կլինենք զանգվածային առնետավազքի, քանի որ ուժային կառույցներն ու տեղական իշխանության ներկայացուցիչները ռիսկի չեն գնա, որպեսզի անօրինականությունների միջոցով սատարեն հեռացող վարչակազմին։
4. Կարևոր ազդեցություն է ունենալու նաև արտաքին զարգացումները։ Ուկրաինական պատերազմի ավարտը սկիզբ կդնի միջազգային հարաբերությունների ճարտարապետության նոր սկզբունքների կայացմանը, որտեղ տոքսիկ վարչակազմերը կկորցնեն իրենց դերակատարությունը»։