«Մի օր հիշեցնելու են չեղած խաղաղության ձեր սազանդարությունը». Ոսկան Սարգսյան

Լրագրող Ոսկան Սարգսյանի գրառումը. «Նկատել եմ, որ Նիկոլ Փաշինյանի գովերգած, չեղած, կեղծ խաղաղությունը գովում են պաշտոնյաները, նրա իշխանության օրոք պաշտոն ստացածները և նրանց հետ փոխկապակացված մարդիկ։ Նրանք այդ կերպ Փաշինյանին ՝ «փոխհատուցում» են իրենց ստացած պաշտոնների և այլ բաների համար։ Այդ անձինք գիշերվա վատ երազում չե՞ն տեսնում Իլհամ Ալիևի սպառնալիքները, հայ սպային գլխատած, Ադրբեջանում հերոսացած Ռամիլ Սաֆարովին, 2020 թվականից հետո Հայաստանից օկուպացված 250 քմ կմ տարածքը, «Արևմտյան Ադրբեջան 300 հազար ադրբեջանցիների վերադարձը», Բաքվում դատվող, խոշտանգվող հայ գերիներին, պատերազմում զոհվածների անթաղ մասունքները, անհետ կորածներին։ Ամեն ինչ, այդ թվում՝ պաշտոնը անցողիկ է, մի օր հիշեցնելու են չեղած խաղաղության ձեր սազանդարությունը»: