«Նախագծով առաջարկել եմ, որ թոշակառուները, եթե չունեն եկամտի այլ աղբյուր, չկարողանան խաղալ»․ Հայկ Սարգսյան

ՔՊ-ական պատգամավոր Հայկ Սարգսյանը ֆեյսբուքյան իր էջում տեսանյութ է հրապարակել՝ «Լավ նորություն օնլայն կազինոների սահմանափակումների վերաբերյալ» գրառմամբ։ Տեսանյությում հայտնում է, որ Կառավարության կողմից դրական եզրակացություն է ստացել իր նախագիծը․ «Նախագծով պահանջում եմ, որպեսզի օրենքով սահմանվի, որ բոլոր օնլայն կազինոներն իրենց հավելվածներում և կայքերում ունենան ինքնաարգելափակման կոճակ, որպեսզի այն քաղաքացիները, ովքեր չեն ցանկանում այլևս խաղալ՝ ազատվեն այս չարիքից, սեղմեն այդ կոճակը և իրենց խաղային հաշիվն արգելափակվի, այլևս չկարողանան խաղալ։ Նաև առաջարկել եմ, որ թոշակառուները, նպաստառուները, եթե չունեն եկամտի այլ աղբյուր, չկարողանան խաղալ, անձինք իրենց եկամտի 20 տոկոսից ավելը չկարողանան պարտվել և այլն։ Հույս ունեմ, որ մինչև ամառ օրենքը կմտնի ուժի մեջ»,- տեսանյութում հայտնում է Սարգսյանը։