«Քանի որ ՆԱՏՕ-ին անդամակցությունն այլևս չի քննարկվում, ԵՄ-ն պետք է անվտանգության երաշխիքներ պատրաստի Ուկրաինայի համար»․ Կալլաս

Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասը հայտարարել է, որ քանի-որ Ուկրաինայի՝ ՆԱՏՕ-ին անդամակցության հարցն այլևս սեղանին չէ, ԵՄ-ն այդ դեպքում պետք է անվտանգության լուրջ երաշխիքներ պատրաստի Ուկրաինայի համար։ «Դրանք չեն կարող լինել փաստաթղթեր կամ խոստումներ։ Դրանք պետք է լինեն իրական զորքեր, իրական հնարավորություններ, որպեսզի Ուկրաինան կարողանա պաշտպանվել»։

Ավելի վաղ Զելենսկին ասել էր, որ Ուկրաինան կհրաժարվի ՆԱՏՕ-ին միանալու իր նպատակից՝ արևմտյան անվտանգության երաշխիքների դիմաց: