«Հայաստանը սարքել են «սամոսուդի» երկիր, հայտարարում են, թե բռնությունը տեղ չունի ՀՀ-ում»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Նիկոլ Փաշինյանը Ֆեյսբուքում գրել է․ «Բռնությունը տեղ չունի Հայաստանի Հանրապետությունում։ Բռնության կոչ անողները և բռնության դիմողները պետք է բացահայտվեն, արժանանան թե՛ քաղաքական, թե՛ իրավական գնահատականի»։ Հայաստանը սարքել են սամոսուդի, համատարած բռնության երկիր, Փաշինյանը գրում է՝ բռնությունը տեղ չունի Հայաստանի Հանրապետությունում։ Մարդիկ վախենում են փողոց դուրս գալ, ամեն տեղ բռնություն է։ Բռնությունը հասել է փոքր երեխաներին, Իջևանի դպրոցներից մեկում երեխաները խմբով 10 տարեկան 4-րդ դասարանցուն այնպես են ծեծել, որ տուժածին հիվանդանոց են տեղափոխել։ «Ասֆալտին փռելու, պատերին ծեփելու» մասին բազմիցս հայտարարած Նիկոլ Փաշինյանը գրել է, որ բռնության կոչ անողները և բռնության դիմողները պետք է բացահայտվեն, արժանանան թե՛ քաղաքական, թե՛ իրավական գնահատականի։ Այ քեզ բան»: