«Եվրոպան պետք է զգույշ լինի. այն շատ վատ ուղղությամբ է շարժվում»․ Թրամփ

ԱՄՆ նախագահ Դոնալդ Թրամփը հայտարարել է, որ Եվրոպան պետք է զգույշ լինի, քանի որ շատ վատ ուղղությամբ է շարժվում: «Մենք ուզում ենք, որ Եվրոպան մնա Եվրոպա։ Եվրոպան վատ ուղղությամբ է շարժվում»,- ասել Է Թրամփը լրագրողներին՝ պատասխանելով Եվրոմիության կողմից X սոցիալական ցանցի նկատմամբ սահմանված տուգանքի մասին հարցին:

Ավելի վաղ Եվրոհանձնաժողովի խոսնակ Թոմաս Ռենիեն Բրյուսելում կայացած ճեպազրույցի ժամանակ հայտարարել էր, որ Եվրոհանձնաժողովը 120 միլիոն եվրոյով տուգանել է X-ին՝ եվրոպական թվային ծառայությունների մասին օրենքը խախտելու համար։