«ՀՀ-ում հաստատվում է ավտորիտարիզմ՝ որոշ խմբերի ծափողջույնների ներքո»․ Արա Պողոսյան

Քաղաքագետ Արա Պողոսյանը ֆեյսբուքյան իր էջում գրում է․ «Քաղաքացիական հասարակությունը երկիրը ժողովրդավարացնող գործիք է, որը հավասարակշռում է իշխանության և հասարակության փոխհարաբերությունները՝ հարթելով սուր ծայրերը, թույլ չտալով իշխանության կողմից ռեպրեսիվ մեթոդների կիրառում, ինչը երկիրը կտանի դեպի ավտորիտարիզմ։
Հայաստանում քաղաքացիական հասարակության բացակայությունն արձակել է իշխանության ձեռքերը՝ անելու ամեն ինչ, իշխանություն պահելու համար։
Ավտորիտարիզմի պայմաններում ձևականորեն «նշանակվում» են նաև քաղաքացիական հասարակության դեր խաղացող խմբեր ու անհատներ, որոնք պետք է արտաքին աչքերի համար ցուցադրեն ժողովրդավարական դեմք, սակայն բովանդակությունը ավտորիտար է։ Հայաստանն այսօր դասական օրինակն է, թե ինչպես է հաստատվում ավտորիտարիզմ ժողովրդական որոշակի խմբերի ծափողջյունների ներքո։
Բռնապետությունը վերջում խժռում է հենց նրանց, ում ծափողջյունների ներքո այն հաստատվում է»։