«Նիկոլ Փաշինյանի ամբողջ կյանքի նպատակը վրեժխնդրությունն է»․ Ռոբերտ Քոչարյան

«Հայաստանում մի շերտ կա, որին թվում է՝ ես մարդ եմ, որը մարդկանց չի ներում։ Վրեժխնդրությամբ ապրելով՝ առաջ չես նայի, այն միշտ կապված է հետ նայելու հետ»,- այս մասին իր աջակիցների հետ հանդիպման ժամանակ ասել է ՀՀ երկրորդ նախագահ Ռոբերտ Քոչարյանը:

«Եթե ֆիքսվում ես վրեժխնդրության վրա, ուրեմն դու պրոբլեմ ունես։ Այդ դեպքում դու պետք է որևէ հանրային գործով չզբաղվես, ապագայի մասին չմտածես և կենտրոնանաս անցյալում քեզ վատություն արած կամ դավաճանած մարդկանց հետ հաշիվներ մաքրելու վրա»,- նշել է նա։

«Վրեժխնդրությունը լավ բան չէ հատկապես երկրի առաջին դեմքի համար, մենք տեսնում ենք Նիկոլ Փաշինյանին, որի ամբողջ կյանքի նպատակը վրեժխնդրությունն է»,- ընդգծել է Քոչարյանը։

Նշենք, որ հանդիպման ամբողջական տեսագրությունը կհրապարակվի վաղը։