«Գտեք աշխարհում մի երկիր, որի իշխանությունն ապազգային վարքագծով պայքարի ազգային ամեն ինչի դեմ»․ Տարոն Սիմոնյան

ԱԺ նախկին պատգամավոր, իրավաբան Տարոն Սիմոնյանի ֆեյսբուքյան գրառումը․ «Գտեք աշխարհում մի երկիր, որի փաստացի իշխանությունը հետևողականորեն կազմաքանդի սեփական հանրության ազգային արժանապատվությունը, դարերով ձևավորված ազգային ինստիտուտները, խուլիգանական խոսքով՝ հանրային բարոյականությունը, ատելության խոսքով՝ հանրային անվտանգությունը, ապազգային վարքագծով պայքարի ազգային ամեն ինչի դեմ, բայց․․․ առաջարկի «ենթագիտակցական կոնսենսուս»՝ չամաչել տգիտությունից ու անդաստիարակությունից, անսկզբունքայնությունից ու մանրությունից, կյանքը պարզապես նյութի մեջ տեսնելու թաքնված կրքից․․․ և արդյունքում շարունակի պահել իշխանությունը․․․
Դրա համար եմ ասում՝ սկզբից պետք է սկսենք, որովհետև պետք է «լինել և ոչ թե թվալ»․․․
Հ․Գ․ Իսկ դուք շարունակեք զայրանալ ու զարմանալ, իսկ իրականում՝ սնել ու սնել․․․»։