«Ենթադրում եմ՝ հրաժարականի հաջորդ օրվանից Սարգսյանն իր մտքում ծնել է պլան». Ռուբեն Ռուբինյան

«2018-ին մենք եկանք իշխանության՝ թավշյա հեղափոխությամբ: Եթե նկատել եք, Սերժ Սարգսյանն ու ՀՀԿ-ն, Նիկոլ Փաշինյանի՝ վարչապետ ընտրվելու հաջորդ օրվանից սկսած, սկսել են մեզ մեղադրել, որ եկել ենք իշխանության, որպեսզի Ղարաբաղը հանձնենք: Ենթադրում եմ՝ իր հրաժարականի հաջորդ օրվանից իսկ, իր մտքում ծնել է նոր հանճարեղ պլան»,- ԱԺ-ում լրագրողների հետ զրույցում ասել է փոխնախագահ Ռուբեն Ռուբինյանը: Նրա խոսքով՝ «Սարգսյանը տեսել է, որ բանակցային գործընթացը փակուղում է, ռազմական բալանսը խախտված է, ակնհայտ է, որ պատերազմ անխուսափելի է, մտածել է՝ կսպասենք, հետո սրանց կասենք՝ դավաճան, հողատու ու հետ կգանք իշխանության: Բայց ՀՀ ժողովուրդն իմաստուն ժողովուրդ է»: