«Վիլնյուսի 53 շենքի բակը կոյուղաջրերի լճի է վերածվել»․ Էդուարդ Հայրումյան

Ակտիվիստ Էդուարդ Հայրումյանը ֆեյսբուքյան իր էջում տեսանյութ է հրապարակել՝ կից գրառմամբ․ «9-րդ Մասիվի Վիլնյուսի 53 շենքի բակն ամբողջությամբ կոյուղաջրերի լճի է վերածվել։ Այս տեսանյութն արվել է հենց նոր՝ դեկտեմբերի 2-ի ժամը 23:15-ին։
Այս վիճակն այսօր առավոտյան 07:00-ից է, ու մարդկանց մեծ մասը նույնիսկ շենքից դուրս գալ չի կարողացել։
Երևանի քաղաքապետարանի և Նոր Նորք վարչական շրջանի բոլոր պատասխանատու պաշտոնյաներին.

դուք բոլորդ պետք է տեղյակ լինեիք այս խնդրի մասին, քանի որ բնակիչներն այսօր բազմաթիվ անգամ զանգել են թեժ գծի համարներով, ու պարտավոր էիք նույնիսկ տուն չգնալ, բայց հարցին լուծում տալ, բայց, ինչպես միշտ, դուք նախընտրեցիք ժամը 6-ին 5 պակաս ցրվել տներով, իսկ բնակիչներին թողնել իսկական անելանելի վիճակում»։