«Եթե միայն Նիկոլ Փաշինյանին անվստահություն հայտնելու հարցում «ընդդիմադիր» կոչվող պատգամավորները ցուցաբերեին նույն աստիճանի վճռականություն». Էդգար Ղազարյան

Հասարակական, քաղաքական գործիչ Էդգար Ղազարյանի ֆեյսբուքյան գրառումը. «Պատկերացրեք, եթե Նիկոլ Փաշինյանին անվստահություն հայտնելու հարցում «ընդդիմադիր» կոչվող պատգամավորները ցուցաբերեին նույն աստիճանի վճռականություն, սկզբունքայնություն և ակտիվություն, ինչպես ցուցաբերում է Նիկոլ Փաշինյանը՝ Կաթողիկոսին գահընկեց անելու և եկեղեցին կործանելու հարցում։ Ինչ արդյունք կարող էինք մենք հասնել այդ պարագայում։
Իսկ հիմա պատկերացրեք հակառակը, եթե Նիկոլ Փաշինյանը, ի սկզբանե մտածեր, որ հնարավոր չէ Կաթողիկոսին գահընկեց անել, որովհետև նա դրա իրավունքը չունի, որ դա հնարավոր չի, որ Կաթողիկոսը երբեք հրաժարական չի տա, որ նրան շրջապատող հոգևորականները միասնական են և միակուռ և ոչ մի դեպքում դուրս չեն գա նրա դեմ։
Այս երկու հակադիր վիճակները ցույց են տալիս, թե որքան անսկզբունքային, անվճռական, անմրցունակ են Ազգային ժողովի «ընդդիմադիր» հռչակված պատգամավորները, որոնք շատ մեծ մեղք ու պատասխանատվություն ունեն մեր այսօրվա վիճակի համար։
Հույս ունեմ, որ հաջորդ խորհրդարանում նրանցից ոչ մեկն այլևս Ազգային ժողովում չի հայտնվի, ինչպես որ չի հայտնվի նրանց գործունեության հետևանքով իշխանության մնացած «Քաղաքացիական պայմանագիր» խմբակցության պատգամավորները»: