«9-1 հաշիվն էս ֆեդերացիայի խորհրդանիշն է». Սերգեյ Ջանջոյան

«Հայկական առաջին ճակատ» շարժման ղեկավար Սերգեյ Ջանջոյանը ֆեյսբուքյան իր էջում գրել է. «9-1 հաշիվն էս ֆեդերացիայի խորհրդանիշն ա։ 9-1-ն էդ ուղակի գերխայտառակ, նվաստացուցիչ հաշիվ չի՝ քո երկրի իմիջը գետնին հասցնող, քեզ գաճաճ ու փոքրիկ սարքող, էդ էս ֆեդերացիայի աշխատանքի, տարիների վատնման, դատարկության ամփոփիչ արդյունքն ա։ Ձեր օրոք ես մարզադաշտից ականատես եմ եղել 9-1, 9-0, 9-1 հաշիվների. Ֆուտբոլային ցանկացած չինովնիկ, արժանապատվություն ունենալու պարագայում, նման իրադարձություններից հետո հաջորդ առավոտ կհայտարարեր մոտալուտ հեռանալու մասին։ Չկա ոչ մի հայտարարություն։
Իտալիայի 9-1-ից հետո հայտարարել, որ այլևս չի լինելու նման հաշիվ, Նորվեգիայի 9-0-ից հետո հայտարարել՝ մյուս տարի ուղեգիր ենք նվաճելու, Վրաստանի 9-1 ից հետո հայտարարել՝ ամռանը այլ հավաքական ենք տեսնելու... Հիմա պետք չի էլ նման հիմարությամբ հանդես գալ, հիմա պետք ա սթափ նայել, սթափ գնահատական տալ քո ունեցածին, արածին, չարածին, հեռանալդ նախապատրաստել այնպես, որ հաջորդ նախագահը չբռնի նույն կուրսը։ Մեծագույն վտանգը բազմաթիվ սխալներից հետո նոր մեծ սխալներ գործելն ա։ Սպասում ենք հայտարարության»։