«Էդ ո՞նց է լինում, որ տարիներով կուտակված խնդիրը կառավարության զանգով կարգավորվում է». Գառնիկ Դանիելյան

«Տևական ժամանակ պատկան մարմիններին զգուշացրել ենք սպասվող ճգնաժամի մասին: Երբ հարց էինք ուղղում, որ խողովակները մաշված են, խնդիրներ կան, ասում էին՝ ամեն ինչ կարգին է, «Վեոլիա»-ն իր աշխատանքները պատշաճ կատարում է, բայց արի ու տես «Վեոլիա»-ն ժամանակացույցի մասին է հայտարարում, որը մեծ վրդովմունք է առաջացնում, ժամեր հետո ՏԿԵ նախարարն ասում է, որ կառավարության միջամտությամբ զանգեցինք, կարգավորեցինք: Օ՜, հրաշք: Էդ ո՞նց ա լինում, որ տարիներով կուտակված խնդիրը կառավարության զանգով կարգավորվում է, արդյոք սա մանիպուլյացիա չէ»,- դիմելով ՏԿԵՆ ջրային կոմիտեի նախագահ Արամազդ Ղալամքարյանին՝ հարցրեց ընդդիմադիր Գառնիկ Դանիելյանը: Ղալամքարյանն ասաց՝ մանիպուլյացիա չկա. «Ներդրումներ են արվում ենթակառուցվածքների արդիականացման, հիմնանորոգման ուղղությամբ, որի արդյունքում ունենալու ենք խնայված ջուր, երկրորդը՝ հայտնաբերված նոր ջրաղբյուրներն են»: